کەمئەندامان لە دوو یاداشتدا داوای دەستپێکردنەوەی تۆمارکردنی کەمئەندامان و هاوتاکردنی مووچەکانیان لەگەڵ عێراق دەکەن.
ئەمڕۆ یەکشەممە، زیاتر 12 ڕێکخراو و کۆمەڵەی کەمئەندامان لەگەڵ بەڕێوەبەری گشتی چاودێری و گەشەپێدانی کۆمەڵایەتی سلێمانی کۆبوونەوە و دوو یاداشتیان دەربارەی داواکارییەکانیان پێشکەش کردن.
کەمئەندامان لە یاداشتی یەکەمدا بۆ حکومەتی هەرێمی کوردستان داوای دەستپێکردنەوەی تۆمارکردنی ناوی کەمئەندامان دەکەن کە لە ساڵی 2012ەوە ڕاگیراوە.
لە یاداشتی دووەمیشدا داوا دەکەن مووچە و ماف و ئیمتیازاتەکانیان هاوتای کەمئەندامانی عێراق بکرێت.