شارەزایەکی کەشناسی بڵاویکردووەتەوە، سبەی کەمێک باران و بروسکە بەشێوەیەکی کورتخایەن لە هەندێک ناوچە دروستدەبێت.
ئاراس جەبار، شارەزای کەشناسی بڵاویکردووەتەوە، سبەی کەمێک باران و بروسکە بەشێوەیەکی کورتخایان لەھەندێ ناوچە دروستدەبێت و حاڵەتێکی لاوازە و لە دوو سبەیەوە گەرمای باکوری ئەفریقا دەستپێدەکاتەوە کەشی ناوچەکە تاماوەیەکی نادیار وشکی و گەرمی بەخۆیەوە ئەبینێت.
دەشڵێت:” وەرزی بارانبارینی ئەمساڵ یان شەپۆلەکانی باران کۆتایی نەھاتووە ئەگەر تا ماوەیەکی زۆریش بارانی باش نەبارێت”.
ئاراس جەبار ئاماژەی بەوەشکردووە، دیاردەی ئێڵ نینۆ چاوەروان دەکرێت لەمەوبەدوا و لە ھاوینی ئەمساڵەوە لاوازبوون بەخۆیەوە ببینێتەوە بەڵام دیار نیە لانینا ئەگەرێتەوە یان لە ئاستێکی نۆرماڵدا ئەبێت بۆ وەرزی پایز ..
