پسپۆڕێكی زانستی خۆراك، سوودە تەندروستییەكانی نۆكاو دەخاتەڕوو.
– گرنگی نۆكاو بۆ گەشەی منداڵان و مێردمنداڵان :
۱ ــ سەرچاوەیەكی دەوڵەمەندی پڕۆتینەكانە و زۆربەی ترشە ئەمینیەكانی تێدایە كە جەستە پێویستیەتی و گرنگە بۆ بنیات نان و بەهێزكردنی ماسولكەكان .
۲ ــ باش كردنی كۆئەندامی هەرس و كەم كردنەوە و ڕێگری كردن لە قەبزی ، چونكە دەوڵەمەندە بە ماددە ڕیشاڵییەكان ۰
۳ ــیارمەتی خۆپاراستن لە كەمخوێنی و چارەسەركردنی بڕێكی زۆر لە ماددەی ئاسنی تێدایە لەگەڵ فۆلیك ئەسید۰
٤ْ-یارمەتی كەمكردنەوەی ئەگەری تووشبوون بە شێرپەنجە و ئەلزەهایمەر دەدات، چونكە دەوڵەمەندە بە كۆمەڵێك لە فینۆڵەكان كە ماددەی دژە ئۆكسانە ۰
٦ ـــ بۆ خۆپاراستن لە كێشی زۆر و قەڵەوی و بە بژاردەیەكی باش دادەنرێت لە كاتی ڕێجیم كردن لە زۆربەی جۆرەكانی ڕێجیم ۰
۷ ـــ بۆ كۆنتڕۆڵ كردنی ئاستی شەكرە لەو كەسانەی نەخۆشی شەكرەیان هەیە بە سوودە لەگەڵ خۆپاراستن لە تووشبوون بە نەخۆشی شەكرەی جۆری دووەم ۰
۸ ـــ یارمەتی دابەزاندنی ئاستی كۆلیستڕۆڵی خراپ دەدات لەگەڵ پاراستنی تەندروستی دڵ و كەمكردنەوەی ئەگەری نەخۆشییەكانی دڵ بە تایبەت ئەگەر بە زەیتی زەیتوون لێ بنرێت.
۹ ــــ ڕێگەگردن لە نەرم بوونەوە و فشەڵ بوونی ئێسك و بەهێزكردنی ئێسقان بە هۆی بوونی كۆمەڵێك كانزای گرنكی وەك كالسیۆم و مەگنسیۆم و مس و زینك و ئاسن .
-یەكێكە لەو خۆراكانەی كە زۆر سوودیان هەیە بۆ گەشەی باڵا و ماسولكەكانی منداڵان و مێردمنداڵان بە بۆنەی بوونی زۆربەی ئەو پێكهاتووانەی كە ڕۆڵێكی كارایان هەیە بۆ گەشەی تەندروست .
-زیانەكانی :
ـــ ئاوسانی سك و ئازاری ناوسك و زیادكردنی غازات لە هەندێك كەس بە تایبەت ئەوانەی كێشەی كۆنیشانەی كۆڵۆنیان هەیە ، بەڵام دەكرێت ئەو كێشەیە كەم بكرێتەوە لە ڕێگای خووساندنی نۆكەكە پێش لێنانی بە چەند سەعاتێك و بە مەنجەڵی ئاسایی لێ بنرێت نەوەك مەنجەڵی بووخار ۰
ـــ ئەو كەسانەی دەرمانی كۆمەڵەی (بێتا بلۆكەر )بەكاردێنن پێویستە بڕێكی زۆری لێ نەخۆن بە بەردەوامی بە تایبەت ئەو كەسانەی كێشەی گورچیلەیان هەیە ۰
۲ ـــ لەكاتی لێنانی باشترە بە زەیتی زەیتوون یان كەتان لێ بنرێت ، ئەو كەسانەی نەخۆشی شەكرە و بەرزی فشاری خوێن و بەرزی چەوری خوێنیان هەیە بەز و چەوری حەیوانی تێ نەكەن ۰
ئامادەكردنی دكتۆر كامەران ڕەسوڵ ژاژڵەیی، پسپۆڕی زانستی خۆراك
