ئەندامێکی لیژنەی ئابووری ئەنجومەنی نوێنەران ڕایدەگەیەنێت کە هەردوو بانکی ڕەشید و ڕافیدەین ئامادەییان بۆ کردنەوەی هەژماری بانکی بۆ فەرمانبەر و خانەنشینیانی هەرێمی کوردستان دەربڕیوە.
ئەمڕۆ یەکشەممە، سۆران عومەر، ئەندامی لیژنەی ئابووری ئەنجومەنی نوێنەران ڕایگەیاند، بانکی ڕەشید و ڕافیدەین ئامادەیی تەواویان دەربڕی بۆ کردنەوەی هەژمار بۆ فەرمانبەران و خانەنشینانی هەرێمی کورستان.
ئەوەشیخستەڕوو کە پرۆسەکە دوای دابەشکردنی وەزارەتەکان بەسەر هەردوو بانکەکەدا دەست پێ دەکات.
هێشتا چۆنێتی کردنەوەی هەژماری بانکی بۆ مووچەخۆرانی هەرێمی کوردستان بە تەواوی لە نێوان هەولێر و بەغدا یەکلانەکراوەتەوە، لە کاتێکدا وەزارەتی دارایی عێراق جەخت دەکاتەوە کە دەبێت هەژمارەکان لە ڕێی بانکە حکومەییەکانی عێراقەوە بکرێنەوە، حکومەتی هەرێم پێداگری دەکات لەسەر ئەوەی پڕۆژەی “هەژمار من” بکرێتە بنەمای دابەشکردنی مووچە بۆ فەرمانبەرەکانی.
