نرخی نەوت بەربەستی 90 دۆلاری شکاند و زێڕیش بەردەوامە لە تۆمارکردنی بەرزبوونەوەی مێژوویی.
ئەمڕۆ سێشەممە، نرخی بەرمیلێک نەوتی خاوی برێنت بە 90 دۆلار و 63 سەنتەوە مامەڵەی پێوە دەکرێت و نەوتی خاوی تەکساسیش گەیشتە 86 دۆلار و 64 سەنت.
لە لایەکی دیکەشەوە هەڵکشانی نرخی زێڕ لە بازاڕەکانی جیهاندا بەردەوامە و ئەمڕۆ ئۆنسەیەک گەیشتە دوو هەزار و 356 دۆلار ئەمەش یەکەمجارە لە مێژوودا نرخی زێر بگاتە ئەو ئاستە.
هۆکاری هەڵکشانی نرخی نەوت و زێڕ بۆ مەترسی پەرەسەندنی گرژییەکانی ڕۆژهەڵاتی ناوەڕاست و داکشانی بەهای دۆلار دەگەڕێتەوە.
