پسپۆڕێكی زانستی خۆراك ڕایدەگەیەنێت ، لە وەرزی پایز و زستان مرۆڤ زیاتر ئەگەری تووشبوونی بە پەتای وەرزی و هەڵامەت و ئەنفلۆنزا هەیە بۆ زوو چاك بوونەوە و تێپەڕاندنی ئەو نەخۆشیانە كۆمەڵێك خواردنەوە پێویستە زیاتر بخۆرێنەوە، لەكاتی دیكە.
د.كامەران ژاژڵەیی، پسپۆڕی زانستی خۆراك بڵاویكردەوە، لە وەرزی پایز و زستان مرۆڤ زیاتر ئەگەری تووشبوونی بە پەتای وەرزی و هەڵامەت و ئەنفلۆنزا هەیە ، پێویستە خواردن و خواردنەوەكانی زیاتر بكات لەو جۆرانەی ، كە هۆكارن بۆ زوو چاكبوونەوە لە پەتا وەرزییەكان .
گرنگترینیان ئەمانەن:
ئاو: خواردنەوەی بڕی پێویست لەئاو زۆر گرنگە بۆ بەهێزكردن و چالاككردنی بەرگری جەستە، ئاوی شلەتین یا گەرم باشترە بخورێتەوە.
چای ڕازیانە: ڕۆژی دوو بۆ سێ جار.
چای سەوز: بە گەرمی و بێ شەكر ، یا كەوچكێك هەنگوینی تێ بكرێت .
شۆربای گەرم: شۆربای مریشك یەكێكە لە خۆراكە گرنكەكان ، هەروەها شۆربای تری وەك پەڵپینە بەترش، شۆربای قارچك ، شۆربای سەوزەواتی وەك شۆربای بڕۆكلی یا سپێناخ لەگەڵ قەڕنابیت و گێزەر.
زەنجەبیل : چای زەنجەبیل بە تەنها یا لەگەڵ لیمۆ یا هەنگوین .
چای گوڵەمێخەك : ڕۆژی دوو بۆ سێ جار .
ئاوی لێمۆ : گیراوەی ئاو و لێمۆ ڕۆژی دوو بۆ چوار جار بە تەنها یا لەگەڵ نەعنا یا هەنگوین یا زەنجەبیل .
چای گوڵەبەیبوون یان گیراوەی ڕەشكە و هەنگوین .
شیری گەرم .
باشترین جۆری خواردنەكان :
ماست .
میوە مزرەمەنیەكان وەك پڕتەقاڵ و لالەنگی و نارنج و لیمۆ .
بلۆبێری و هەنار .
ئەو خۆراكانەی دەوڵەمەندن بە ڤیتامین ( A ) وەك گێزەر ، بیبەری زەرد ، بەهێ ، كەلەرم ، پەتاتەی شیرین .
سیر و پیاز .
ماسی بە تایبەت ماسی سەلموون .
