دابەشکردنی مووچەی مانگی شوبات بەردەوامە و ئەمڕۆش پێنج شوێنی دیکە مووچە وەردەگرن.
بە پێی خشتەی وەزارەتی دارایی و ئابووری، ئەمڕۆ چوارشەممە، سەرۆکایەتی پەرلەمان، سەرۆکایەتی ئەنجومەنی وەزیران، دیوانی وەزارەتی پێشمەرگە و لیواکان لەگەڵ ئەنجومەنی ئاسایش و دەزگای ئاسایش مووچەی مانگی شوباتی ڕابردوو وەردەگرن.
بڕیارە سبەینێ دابەشکردنی مووچەی مانگی دوو کۆتایی بێت و وەزارەتی دارایی هەرێمیش لیستی مووچەی مانگی سێی بۆ بەغدا ڕەوانە کردووە و هەوڵ دەدرێت تا جەژن ئەو بابەتە یەکلا بکرێتەوە.
