لە ڕووداوێکی هاتووچۆی سەختدا لە پارێزگای بەسرە ئۆتۆمبێلێکی بارهەڵگر لە 50 خوێندكار دەدات لە کاتی دەرچوونیاندا لە خوێندنگە و بەهۆیەوە 6 خوێندكار گیانیان لەدەستداوە و 11 خوێندكار بریندار بوون و بەهۆیەوە بۆ ماوەی 3 ڕۆژ ماتەمینی گشتی ڕاگەیەنرا.
ئەسعەد ئەلعیدانی، پارێزگاری بەسرە ماتەمینی گشتیی لە پارێزگای بەسرە بۆ ماوەی سێ ڕۆژ ڕاگەیاند.
عەمید میقداد میری، وتەبێژی وەزارەتی ناوخۆ و شانەی ڕاگەیاندنی ئەمنی ڕایگەیاندووە، “شۆفێری ئۆتۆمبێلێکی ساردکەرەوەکە، كە بووە هۆی ڕووداوی هاتووچۆ دەستگیرکراوە”.
ئاشكراشی كردووە، ڕووداوەكە بەهۆی لەکارکەوتنی سوکانەوە بووە و بۆتە هۆی ئەوەی کۆنتڕۆڵی ئۆتۆمبێلەکەی لەدەست بدات.
