پاش ٥٧ ڕۆژ بەسەر وەرگرتنی مووچەی مانگی کانوونی دووەم تێپەڕیوە، ئەمڕۆ دابەشکردنی مووچەی مانگی شوبات دەستپێدەکات.
ئەمڕۆ شەممە، دابەشکردنی مانگی شوبات دەستپێدەکات، بەپێی خشتەی وەزارەتی دارایی و ئابووری هەرێم تەنها لە ماوەی شەش ڕۆژدا مووچەی سەرجەم شوێن و وەزارەتەکان دابەشدەکرێت.
بەپێی خشتەی دابەشکردنی مووچەی وەزارەتی دارایی و ئابووری هەرێم کە بڵاویکردووەتەوە، ئەمڕۆ مووچەی وەزارەتی تەندروستی، خانەنشینی، شارستانی، کار و کاروباری کۆمەڵایەتی، خاوەنپێداویستی تایبەتم دارایی و ئابووری، لەگەڵ ناوخۆ دابەشدەکرێت.
دابەشکردنی مووچەی مانگی شوبات لەکاتێکدایە کە مووچەخۆران لە ماوەی نۆ مانگی ڕابردوودا تەنها چوار مووچەیان وەرگرتووە، هاوکات ٥٧ بەسەر دواهەمین مووچەدا تێپەڕیوە کە مووچەخۆران وەریان گرتووە.
