كەشوهەوای ناوچەكانی هەرێمی كوردستان گۆڕانكاری بەسەردادێت و بەهۆی بەرزبوونەوەی ڕادەی شێ، تەم و مژ دروست دەبێت.
ئاراس جەبار، شارەزای كەشناسی بۆ (خەڵك) ڕایگەیاند، تا كاتەكانی ئەمشەو بارانبارینی پچڕ پچڕ و مامناوەند لەناوچەی جیاجیادا بەردەوامی ئەبێت و كاتەكانی شەو بۆ پێش نیوەڕۆی سبەی دوو شەممە ٢٦-١٢-٢٠٢٢ بەھۆی بەرزبوونەوەی ڕادەی شێ ئەگەری دروستبوونی تەم و مژ بەچڕی جیاواز لە زۆربەی ناوچەكاندا ئەبێت.
ڕاشیگەیاند، سبەی كەش سەقامگیر ئەبێت و لەكاتەكانی نیوەڕۆوە ئاسمانی ھەرێم بە زۆری دەگۆڕێت بۆ ساماڵ و پەڵەھەور.
وتیشی، “پلەكانی گەرما بەجێگیری ئەمێنێتەوە، خێرایی با لەسەرخۆ ئەبێت ٥-١٠ كم/س لە ئاڕاستەی باكووری ڕۆژھەڵاتەوە”.
