سەرەڕای دابەزینی بەهای دۆلار لە دوو ڕۆژی ڕابردوودا، كە بە چەند قۆناغێك بەهای 100 دۆلار بۆ نزیكەی 146 هەزار و 500 دینار دابەزی، بەڵام دوانیوەڕۆی ئەمڕۆ دووبارە بەهاكەی بەرزبووەوە.
ڕەوەند میرزا لە بازاڕی دۆلارەكەی سلێمانی بۆ (خەڵك) ڕایگەیاند، ماوەی چەند ڕۆژێكە بەهای دۆلار بەشێوەیەكی بەرچاو ڕووی لە دابەزین كردووە و ئەمڕۆش بۆ نزمترین ئاست لەمساڵدا دابەزی و 100 دۆلار بە 146 هەزار و 650 دینار مامەڵەی پێوەكرا.
ڕاشیگەیاند، لەكاتەكانی دوانیوەڕۆوە بەهاكەی ڕووی لە بەرزبوونەوە كردووە و دۆخی بازاڕ ناجێگیرە و بەرز و نزم دەكات و ئێستا 100 دۆلار بە 147 هەزار و 700 دینارە.
لە ئێستادا 100 دۆلار بە 25 هەزاری بە 147 هەزار و 500 دینارە و بە 5 هەزاری بە 147 هەزار و 700 دینارە.
