بەڕێوەبەرایەتی بازرگانی كەلوپەلی خۆراك لە هەولێر ئاشكرای دەكات، كە لە ڕۆژانی پشووی فەرمیشدا دەوام دەكەن و بەشەخۆراك بەسەر بریكارەكاندا دابەش دەكەن.
بەڕێوەبەرایەتی بازرگانی کەلوپەلی خۆراك لە هەولێر لە ڕاگەیەنراوێكدا ئاماژەی بەوەكردووە، لە ڕۆژانی پشووی فەرمیشدا لە ٢٦ تا ٢٠٢٢/١٢/٢٩ لەفەرمانگەکەیان دەوام دەکرێت لە کاتژمێر (٩)ی بەیانی تاکو (١)ی دوای نیوەڕۆ.
ڕاشیگەیاندووە، داوا لە بریکارەکانی ژمارە (٢٠١+٢٠٢+٢٠٣+٢٠٤+٢٠٥+٢٠٦+٢٠٧+٢٠٨+٢٠٩+٢١٠+٢١١) دەکەن سەردانی فەرمانگە بکەن بۆ وەرگرتنەوەی لیستی بریکاری مانگی ٢٠٢٢/١٢ لەبەرئەوەی لەرۆژانی داهاتوو دەست بە دابەشکردنی سەبەتەی (١١)ی ساڵی ٢٠٢٢ دەکرێت.
ئاماژەی بەوەشكردووە، هەر بریکارێک پێشەکی لیستی بریکای نەباتەوە و پارەکەی نەخەوێنێت بەشەخۆراکی بۆ ڕەوانە ناکرێت.
