وەزارەتی خوێندنی باڵا لە ئاگادارییەکدا خاوەن بڕوانامە باڵاکان و سێ یەکەمەکانی دەرەوەی ناوچە کوردستانییەکان ئاگادار دەکاتەوە، بەمەبەستی پڕکردنەوەی فۆڕمی دامەزراندن کە حکومەتی عیراقی ڕایگەیاندووە،
ئه‌مڕۆ شه‌ممه 23ـی ئاداری 2024، وه‌زاره‌تی خوێندنی باڵاو و توێژینه‌وه‌ی زانستی حكومه‌تی هه‌رێمی كوردستان ئاگادارییه‌كی گرنگی بڵاوكرده‌وه، و ئاماژە بەوەدەکات، پێویستە لە ئەمڕۆوە بۆ ماوەى بیست و یەک رۆژ سێ یەکەمەکان و خاوەن بڕوانامە باڵاکان فۆڕمى ئەلیکترۆنى هاوپێچ له‌نێو لینكه‌كان پڕبکەنەوە.
دەقی ئاگادارییەکەی وەزارەتی خوێندنی باڵا:
ئاگادارییەکى گرنگ لە وەزارەتى خوێندنى باڵاو توێژینەوەى زانستى بۆ سێ یەکەمەکان و خاوەن بڕوانامە باڵاکانى ناوچەکانى دەرەوەى هەرێمى کوردستان
وەزارەتى خوێندنى باڵاو توێژینەوەى زانستى حکومەتى هەرێمى کوردستان، ئاگادارى سەرجەم سێ یەکەمەکان و خاوەن بڕوانامە باڵاکانى زانکۆکانى هەرێمى کوردستان دەکات، کە دانیشتوى ناوچەکانى دەرەوەى ئیدارەى هەرێمى کوردستانن و پار ساڵ لەلایەن وەزارەتى خوێندنى باڵا و توێژینەوەى زانستى کۆدیان وەرگرتوە، پێویستە لە ئەمڕۆوە بۆ ماوەى بیست و یەک رۆژ فۆڕمى ئەلیکترۆنى هاوپێچ پڕبکەنەوە. بۆ ئەوەى دەرفەتى دامەزراندنیان لە ناوچەکانى دەرەوەى ئیدارەى هەرێم لەدەست نەچێت.
بۆ پڕکردنەوەى فۆڕمەکە کلیک لەسەر ئەم لینکەى خوارووە بکەن:
https://submit2-2024.iraqi-fpsc.gov.iq/…
تێبینى: بۆ زانیاری زیاتر سەبارەت بە پڕکردنەوەی فۆرمەکە، سەردانی ماڵپەڕی فەرمی ئەنجومەنی راژەی گشتی عێراقى بکەن:
