بزوێنەری گەڕانی بەناوبانگی “گوگڵ” وەک چۆن ساڵانە داب و نەریتی خۆی لە ئاهەنگگێڕان بە بۆنە دیارەکاندا ئاشکرا دەکات، ئەمڕۆش لۆگۆی خۆی گۆڕی بۆ وێنەیەکی جیاواز وەک یادکردنەوەیەک بۆ “ڕۆژی دایک”.
گووگڵ لۆگۆکەی کردە وێنەی دایکێک کە لەگەڵ منداڵەکەی لەسەر قەنەفەیەک دانیشتووە و کتێبی بۆ دەخوێنێتەوە، لە کەشێکی ئارام و پڕ لە خۆشەویستی دا،
٢١ی ئازاری هەموو ساڵێک جگە لەوەی جەژنی نەورۆز و هاتنی یەکەم ڕۆژی وەری بەهارە، لە وڵاتانی عەرەبی و جیهانیش چەند بۆنەیەکی تایبەت و جیهانی لەو ڕۆژەدا هەن و یاد دەکرێنەوە.
سەرچاوەی بیرۆکەی ئەم ئاهەنگە دەگەڕێتەوە بۆ ساڵی ١٩٠٧ لە ئەمریکا، کاتێک چالاکوانی کۆمەڵایەتی ئانا جارڤیس داوای کرد ڕۆژێکی دانپێدانراو بۆ ئاهەنگگێڕان بە دایکانی ئەمریکی تەرخان بکرێت.
لە ڕێگەی ئەم بانگهێشتنامەیەوە گارڤیس ویستویەتی دوای مردنی خەونی دایکی بەدی بهێنێت ،ئەویش دەیوت ڕۆژێک لە شوێنێک، کەسێک بانگەوازی بیرۆکەی ئاهەنگگێڕانی ڕۆژی دایک دەکات، بۆیە ئانا گارڤیس بەڵێنێکی بۆ خۆی داوە کە خەونی دایکی بەدی بهێنێت.
لە جیهانی عەرەبیدا، یەکەم کەس کە بیرۆکەی ئاهەنگگێڕان بە بۆنەی ڕۆژی دایک کردەوە، ڕۆژنامەنووسی کۆچکردووی میسری عەلی ئەمین، دامەزرێنەری ڕۆژنامەی “اخبار الیوم” بوو، لەگەڵ مستەفا ئەمین برای، لە وتارێکی ڕۆژانەی خۆیدا، بە بۆنەی ڕۆژی دایک پێشنیار کرد و وتی: بۆچی لەسەر ڕۆژێک ڕێکناکەوین؟ لە سوننەتدا پێی دەڵێین “ڕۆژی دایک” و دەیکەینە جەژنێکی نیشتمانی لە وڵاتی خۆمان و وڵاتانی… خۆر هەڵات?
دوای بانگەوازەکەی، نامەی پشتگیری لەو بیرۆکەیە لەلایەن زۆرینەی خوێنەرانەوە بۆ هات ، دوای ئەوە بڕیاردرا کە ٢١ی ئازار ڕۆژی دایک بێت، یەکەم ڕۆژی بەهار، بۆ ئەوەی ببێتە هێمای خۆشگوزەرانی و ئارامی و هەستی جوان.
