لەگەڵ نزیکبوونەوەی مانگی پیرۆزی ڕەمەزان، بەشێکی زۆر لە ڕۆژووانان تووشی سەرئێشە دەبن، لەئەنجامی وەستانی کتوپڕی خواردنی کافاین و نیکۆتین، جگە لە کەمخەوی و زیادبوونی هەستکردن بە برسێتی و تینوێتی، بۆ دوورکەوتنەوە لە کاریگەرییە لاوەکییەکانی ڕۆژوو، دەتوانن ئەم چەند ئامۆژگارییە جێبەجێ بکەن.
پاراستنی هاوسەنگی خۆراکی: دوور بکەوەرەوە لە خواردنی خۆراکی چەور و سورکراوە، خواردنەوە گازییەکان و شیرینی زیادە، هەروەها ئەو خۆراکانە هەڵبژێرە کە دەوڵەمەندن بە پرۆتین و ڕیشاڵ و میوە و سەوزە بۆ ئەوەی زوو پڕت بکەنەوە و بۆ ماوەیەکی زیاتر تێر بمێنیتەوە.
ئاوی پێویست بخۆرەوە: ئاو خواردنەوە لە نێوان بەربانگ و پارشێودا بکەرە خوو، بۆ ئەوەی لە وشکبوونەوە دوور بکەویتەوە.
کەمکردنەوەی ڕێژەی کافاین: سنووردارکردنی خواردنەوەی قاوە و چا و خواردنەوە دەوڵەمەندەکان بە کافایین پێش و لە ماوەی ڕۆژووگرتن بۆ ئەوەی تووشی سەرئێشە نەبێت.
دابەشکردنی ژەمەکان: نۆژەنکردنەوەی سیستەمی خۆراک بۆ ئەوەی لەگەڵ ماوەی ڕۆژوودا بگونجێت، دابەشکردنی ژەمەکان بۆ دوو ژەمی سەرەکی (ئێوارە و پارشێو) و خواردنێکی کەم لە نێوانیاندا بۆ دڵنیابوون لە هاوسەنگی خۆراکی.
دڵنیابوون لە پشوودان و خەوتن: پاراستنی خەوی پێویست و پشوویەکی باش، هەروەها دوورکەوتنەوە لە مانەوە لە درەنگانی شەودا، بۆ ئەوەی دوور بکەویتەوە لە ماندوێتی زۆر و سەرئێشە.
وەرزشکردن بە بەردەوامی: وەرزشی سووک بە شێوەیەکی ڕێکوپێک ئەنجام بدە، وەک پیاسەکردن یان یۆگا، بۆ ئەوەی یارمەتی باشترکردنی سوڕی خوێن و کەمکردنەوەی فشاری دەروونیت بدات.
ڕاوێژ بە پزیشک: ئەگەر نیشانە نائارامکەرەکانی وەک سەرئێشە بەردەوام بوون، واباشە لەگەڵ پزیشک قسە بکرێت بۆ وەرگرتنی ئامۆژگاری تایبەت و هەڵسەنگاندنی باری تەندروستی.
