بانکی ناوەندیی لە خستنەڕووی ئەمڕۆدا زیاتر لە ٢٤٥ ملیۆن دۆلاریان بە نرخی فەرمی بانکەکە بەشێوەی کاش و حەواڵە فرۆشتووە.
لە بڵاوکراوەیەکدا، بانکی ناوەندی ئاماژە بەوەدەکات، لە سەکۆی ئەلکترۆنی خستنەڕووی دۆلار بۆ ئەمڕۆ، بەتێکڕا ٢٤٥ ملیۆن و ٦٢٢ هەزار و ٧٢٤ دۆلار خراوەتە بازارەکانەوە، بە شێوەی کاش و حەواڵە کە رێژەیەکی زۆری بەشێوەی حەواڵە بووە.
ڕوونیشیکردۆتەوە، لەو ڕێژەیە ١٨ ملیۆن و ٦٣٠ هەزار دۆلاری بەشێوەی کاش بووە و بەراورد بە رێژەی فرۆشی کاشی دوێنێ دووشەممە دابەزیوە، هاوکات بڕی ٢٢٦ ملیۆن و ٩٩٢ هەزار و ٧٢٤ دۆلاری بەشێوەی حەواڵەی دەرەکی بووە.
هاوکات لەکاتی داخستنی بازاڕدا نرخی ١٠٠ دۆلار بە ١٤٩ هەزار و ٩5٠ دینار مامەڵەی پێوە کرا، کە بەچاو کردنەوەی بازاڕدا بڕی ١٠٠ دینار بەرزبۆتەوە.
