3/14 ڕۆژی لە دایکبوونم
بۆ یادی لە دایکبوونم ئەمساڵ وەکو پەیمانم دابوو ئەگەر زیندوو بمێنێم، بە ژمارەی ساڵەکانی تەمەنم (نەمام و گوڵ) بچێنم.
هیوادارم ئەم کارەم بۆ ژینگەیی کوردستان سوودبەخش بێت، سەرجەم هاوڕێکانیشم بۆ ساڵیادی لە دایکبوونیان ئەو کارە بکەن.
دەمەوێ چاندنی نەمام لای ئازیزان، ببێتە کلتور لە هەموو بۆنە و یادەکاندا، گرنگی پێبدرێت…
مرۆڤ ئەو کاتە لە دایک دەبێ کە بڕیار دەدا بۆ خۆی بژی و بڕیار دەدا، ئاخۆ هاتنە دونیای سوودی هەبوو یا تەنها زیادکردنی ژمارەکان بوو، کەواتە مادام هاتویتەتە دونیاوە و شوێنێکت داگیر کردووە، بڕیار بدە سوودت بۆ هەمووان بێت و خۆشەویستیشت هەر بۆ هەمووان بیت..
تۆش ئامادەی لە ڕۆژی لە دایک بوونتدا نەمام بچێنی؟!
مەعروف مەجید
