لە ئاکامی ئەو ڕووداوانەی لە ئاهەنگەکانی چوارشەممە سووری لە ئێران ڕوویاندا کە 14 کەس گیانیان لەدەستدا و سێ هەزار و 253 کەسیش برینداربوون.
چوارشەممە سووری بەپێی ڕۆژمێری هیجری شەمسی دوایین چوار شەممەی ساڵە و بەو بۆنەیەوە لە شارەکانی ڕۆژهەڵاتی کوردستان و ئێران ئاهەنگ دەگێڕدرێت و زۆر کەسیش یاری ئاگرین بەکار دەهێنن.
بەپێی هەواڵێکی ئاژانسی میهر، لە میانی ئاهەنگەکانی چوار شەممەی سووریدا کە 20ی شوبات دەست بە ئامادەکاری کرا و 12ی ئادار بە تەواوی دەستیپێکرد، تا کاتژمێر 12ی شەوی ڕابردوو 14 کەس لە سەرانسەری ئێراندا گیانیان لەدەستدا و سێ هەزار و 253 کەسیش برینداربوون.
