پارێزگاری سلێمانی لە نووسینێکدا دەڵێت: پشت لەملا بکەین؛ ئاسایش تێکدەچێت، پشت لەولا بکەین؛ دارایی وێراندەبێت، بەڵام ئەگەر هۆشیاریی و بیرکردنەوەی دوربینانەو تێڕوانینی لۆژیکیانەو پلانی ستراتیژیی کوردستانیی نیشتمانیی یەکگرتوومان هەبێت، ئەوا دەتوانین ڕۆڵەکانمان بۆ بەڕێوەبردنی قەیرانەکان و دورخستنەوەی مەترسییەکان دابەشبکەین.
هەڤاڵ ئەبوبەکر، پارێزگاری سلێمانی لە نووسینێکدا لە تۆڕی کۆمەڵایەتی فەیسبووک بڵاویکردووەتەوە و دەڵێت: پشت لەملا بکەین، ئاسایش تێکدەچێت، پشت لەولا بکەین؛ دارایی وێراندەبێت، بەڵام ئەگەر هۆشیاریی و بیرکردنەوەی دوربینانەو تێڕوانینی لۆژیکیانەو پلانی ستراتیژیی کوردستانیی نیشتمانیی یەکگرتوومان هەبێت و، خۆمان نەخزێنینە ناو بەرداشی ملامنێ ناوچەیی و نێودەوڵەتییەکانەوە، لە خەمی خۆماندا بین؛ دەتوانین ڕۆڵەکانمان بۆ بەڕێوەبردنی قەیرانەکان و دورخستنەوەی مەترسییەکان دابەشبکەین، نەک خۆمان بەسەر بەرەو پۆڵە ناوچەیی و نێودەوڵەتییەکاندا؛ دابەشبکەین.
هەروەها دەشڵێت: کورد و کوردستان؛ مەکەنەوە بە خۆراکی دەمی قولاپ..شکست؛ بە شکست مەسپێرن.. یەکگرن؛ سەرکەون..
