نرخی نەوت بەڕێژەی 2% ڕووی لە بەرزبوونەوە كرد، هۆكاریی ئەمەش بۆ كەمبوونەوەی ئاستی هەناردەی نەوتی ڕووسی و زیادبوونی داواكاریی لەسەر سوتەمەنی لە ویلایەتە یەكگرتووەكان دەگەڕێتەوە.
ئەمڕۆ شەممە، نەوتی برێنت بە بڕی 1.40 دۆلار و بەڕێژەی 1.70% ڕووی لە بەرزبوونەوە كرد و نرخی بەرمیلێكی گەیشتە 82.38 دۆلار، بە هەمان شێوە نەوتی خاوی ئەمریكایی خۆرئاوای تكساس بەبڕی 1.49 دۆلار و بەڕێژەی 2% بەرزبۆوە و نرخی بەرمیلێكی گەیشتە 78.98 دۆلار.
هەناردەی نەوتی ڕووسیا لەم مانگەدا بەڕێژەی 20% كەمبۆوە بەراورد بە مانگی پێشوو، پاش ئەوەی یەكێتی ئەوروپا و وڵاتانی گروپی حەوت نرخییان بۆ نەوتی ڕووسی دیاریی كرد.
