لەرزینی بزوێنەری ئۆتۆمبێل یەکێکە لەو کێشە باوانەی کە ڕەنگە هەر شۆفێرێک ڕووبەڕووی ببێتەوە، ڕەنگە سەرەتا کێشەکە سادە دەرکەوێت، بەڵام پشتگوێخستنی لەرزینەکانی بزوێنەری ئۆتۆمبێلەکە دەبێتە هۆی مەترسییەکی بەرچاوی سەلامەتی بۆ شۆفێر و سەرنشینەکان، ئەمە جگە لەوەی زیان بە بەشەکانی تری ئۆتۆمبێلەکە دەگەیەنێت.
– ناهاوسەنگی ویل: یەکێکە لە هۆکارە باوەکانی لەرزینی بزوێنەر.
– زیانگەیاندن بە بەشەکانی پێشەوەی ئۆتۆمبێل وەکو دەبڵەکان.
– زیانگەیاندن بە بەشەکانی بزوێنەر: وەک پستۆن و ئەڵقەی پستۆن و وەلڤەکان.
– کێشەکانی گێڕ: وەک تێکچوونی گێڕەکانی گێڕ یان نەبوونی ڕۆنی گێڕ.
– کێشەکانی سیستەمی سووتەمەنی: وەک گیرانی فلتەری سووتەمەنی یان کەمی پەستانی سووتەمەنی.
– کێشەی کارەبایی ئۆتۆمبێل لەوانەیە هۆکارێک بێت بۆ لەرزینی بزوێنەر.
– ژەنگ لە شمعەکاندا و بوونی کێشە لە پرۆسەی سوتاندن.
– بوونی کێشە لە فلتەرەکانی ئۆتۆمبێلەکە.
– بوونی کێشە لەو بەشانەی بوونەتە هۆی ڕاگرتنی بزوێنەر.
– گرنگە چاککردنەوەی بەردەوام لەسەر بزوێنەری ئۆتۆمبێلەکە ئەنجام بدرێت، لەوانە گۆڕینی فلتەر و ڕۆن و شمعە.
مەترسیەکانی لەرزینی بزوێنەر:
– زیان بە پارچەکانی بزوێنەر: لەرزینێکی بەردەوام لەوانەیە ببێتە هۆی زیانگەیاندن بە بەشەکانی بزوێنەر وەک پستۆن و ئەڵقەی پستۆن.
– زیانگەیاندن بە بەشەکانی تری ئۆتۆمبێل: لەرزین لەوانەیە ببێتە هۆی زیانگەیاندن بە بەشەکانی تری ئۆتۆمبێل وەک گێڕ و سیستەمی هەڵپەساردن و درایڤ شەفت.
– زیادبوونی بەکارهێنانی سووتەمەنی: لەرزین لەوانەیە ببێتە هۆی زیادبوونی بەکارهێنانی سووتەمەنی بەهۆی ناکارامەیی کارکردنی بزوێنەری ئۆتۆمبێل.
