دەرمانێکی نوێ بۆ دابەزاندنی کێش دۆزرایەوە!

تاقیکردنەوەیەکی نوێ دەرمانێکی دابەزاندنی کێشی لەش ئاشکرا دەکات کە دەتوانێت ٥ هێندەی ئەو دەرمانە خێراتر چەوری بسوتێنێت کە بۆ دروستکردنی Ozempic وWegovy بەکاردێت بۆ بەرەنگاربوونەوەی قەڵەوی.

دەرکەوتووە ئەو نەخۆشانەی قەڵەو و کێشیان زیادە و هەفتانە جارێک دەرزی نوێیان بەکارهێناوە، بە تێکڕا تەنها لە ماوەی ١٣ هەفتەدا ١٤.٧٪ی کێشی جەستەیان دابەزاندووە.

بۆ بەراوردکردن، تاقیکردنەوە کلینیکیەکانی Ozempic وWegovy دەرکەوتووە کە نەخۆشەکان هەمان بڕی کێشیان لە تەنها ٦٨ هەفتەدا دابەزاندووە، واتە دەکاتە ٥ هێندە زیاتر.

ئەنجامە سەرنجڕاکێشەکانی ئەم دواییە بووە هۆی ئەوەی پشکەکانی کۆمپانیاکە بۆ دوو هێندە زیاد بکات، کۆمپانیای Viking Pharmaceuticals بنکەکەی لە کالیفۆرنیایە، بەهای بازاڕی 8.5 ملیار دۆلاری پێبەخشیوە، نرخی پشکەکانی کۆمپانیاکە تا ئێستا لەمساڵدا زیاتر لە چوار هێندە زیادیکردووە.

کۆمپانیای Viking Pharmaceuticals دەڵێت دەرمانەکەی بە تەقلیدکردنی پێپتیدی 1 (GLP-1)ی هاوشێوەی گلوکاگۆن کاردەکات، کە هەمان هۆرمۆنی ئۆزێمپیکە و وا لە نەخۆشەکان دەکات بۆ ماوەیەکی زیاتر هەست بە تێربوون بکەن.

دەرمانەکە تەقلیدی پۆلیپێپتیدی ئینسۆلینۆتڕۆپیکی وابەستە بە گلوکۆز (GIP) دەکات، کە دەتوانێت یارمەتی خاوکردنەوەی جوڵەی خۆراک بدات لە ڕیخۆڵەکاندا، دڵنیای دەدات مرۆڤ بۆ ماوەیەکی زیاتر هەست بە تێری دەکات.

Viking ئاشکرای کرد کە نەخۆشەکان دوای تاقیکردنەوەکە تووشی کاریگەری لاوەکی بوون، لەوانە سکچوون و ڕشانەوە، بەڵام وتی کە حاڵەتەکان سووک و مامناوەند بوون، مەترسیدار نەبوون.