![](https://xelk.org/wp-content/uploads/2024/03/awincity2.png)
وەزارەتی ناوخۆی عێراق بڵاویکردەوە، تا ئێستا لەسەرجەم فەرمانگەکانی کارتی نیشتیمانی پرۆسەی دەرهێنانی کارتی نیشتیمانی بەردەوامە، و لە عێراق تا ئێستا نزیکەی 36 ملیۆن هاووڵاتی تۆمارکراون و خاوەنی کارتی نیشتیمانین.
عەمید میقداد میرى، وتەبێژى وەزارەتى ناوخۆى عێراق رایگەیاند، بەگوێرەى ئامارى بەڕێوەبەرایەتى بارى شارستانى و پاسپۆرت و نیشینگەى عێراق، 36 ملیۆن هاوڵاتى تاوەکو 1ى ئادار لە فەرمانگەکانى کارتى نیشتیمانى تۆمارکراون.
ئەمە لە کاتێکدایە ، کە پێشتر وەزارەتى ناوخۆى عێراق رایگەیاندبوو، لە 1ى نیسانى 2024ەوە مامەڵە بە بەڵگەنامەکانى رەگەزنامە و ناسنامەى بارى شارستانى ڕادەگیرێت، هاوکات بەڕێوەبەرایەتیەکانى پاسپۆرتیش لە هەرێمى کوردستان رایانگەیاند، هاووكاتیان دەبێت کارتی نیشتیمانی دەربکەن و ببنە خاوەنی کارتی نیشتیمانی، چونکە یەکێکە لە مەرجەکان بۆ دەرهێنانی پاسپۆرتی عێراقی، هاوکات بەبێ بوونی ئەو بەڵگەنامەیە ناتوانن ببنە خاوەنی پاسپۆرت.