بەڕێوەبەرایەتییەكانی پەروەردەی سلێمانی و هەڵەبجە و گەرمیان و ڕاپەڕین و كۆیە ساڵنامەی نوێی خوێندنیان بڵاوكردەوە.
بەپێی ساڵنامەی نوێی خوێندن، كە دەست (خەڵك) كەوتووە، لە ئەنجامی کۆبوونەوەی هەر چوار بەڕیوەبەری گشتی و سەرجەم بەڕێوەبەرانی پەروەردەکانی سنورەکانیان بڕیاری لەسەر دراوە.
دەقی ساڵنامەکە:
١.بۆ هەموو قۆناغەکانی خوێندن لە پۆلی چواری بنەڕەتی تاوەکو ١٢ـی ئامادەیی تاقیکردنەوەی نیوەی وەرز لە ٢٠ نمرە لە رێکەوتی ٦ـی ٣ــی ٢٠٢٤ رۆژی چوارشەممە دەستپێدەکات و لە ١٩ـی ٣ کۆتایی پێدێت.
٢.تاقیکردنەوەی کۆتایی وەرز بۆ پۆلەکانی چوار بنەڕەتی تا ١١ـی ئامادەیی جگە لە پۆلی نۆی بنەڕەتی لە ١٩ـی ٥ دەستپێدەکات و تاوەکو ٣٠ـی ٥ لەسەر ٦٠ نمرە ئەنجامدەدرێت.
٣.پێویستە لە ماوەی ٩ـی ١ تا ١٩ ـی ٥ دوو هەڵسەنگاندن ئەنجامبدرێت و هەر یەکێکیان ١٠ نمرەی لەسەر دابنرێت.
٤.بۆ پۆلی نۆی بنەرەتی تاقیکردنەوەی کۆتایی وەرز لە ٦٠ نمرە لە ٢١ـی ٤ دەستپێدەکات و ٣٠ـی ٤ کۆتایی دێت.
٥. تاقیکردنەوەی کۆتایی وەرز بۆ پۆلی ١٢ـی ئامادەی لە رێکەوتی ٢٨ـی ٤ دەستپێدەکات و لە ٦ـی ٥ کۆتایی دێت.
٦. هەڵسەنگاندنی کۆتایی وەرز بۆ بازنەی یەکەم لە ١٤ و ١٥ و ١٦ـی ٥ ئەنجامدەدرێت.
٧. ئەو ناوەندانەی کە پۆلی ٩ـی بنەرەتییان هەیە پێویستە تاوەکو ٥ـی ٥ نمرە بە رێژەی ٤٠٪ داخڵبکەن.
