لە ئاکامی ڕووداوێکی سەختی هاتووچۆدا، پێنج کەس لە سەر ڕێگەی قەزای بەردەڕەش گیانیان لەدەستدا.
ئازاد تەها، وتەبێژی هاتووچۆی پارێزگای دهۆک ڕایگەیاند، کاتژمێر 10:45 خولەکی بەیانی ئەمڕۆ چوارشەممە، ڕووداوێکی هاتووچۆ لە نێوان ئۆپترایەکی تایبەت و تانکەرێک ڕوویدا.
ڕوونیشیکردەوە ڕووداوەکە لە سەر ڕێگەی سەرەکی بەردەڕەش-کەلەک ڕوویداوە و بە هۆیەوە پێنج کەس کە سێ ژن و منداڵێک و پیاوێکن، گیانیان لەدەستداوە.
