دوانیوەڕۆی ئەمڕۆ سێ شەممە، ئاگر لە باڵەخانەیەك لە سەر شەقامی بازنەیی مەلیك مەحمود لە گەڕەكی گۆیژەی سلێمانی كەوتەوە و وتەبێژی بەرگری شارستانی سلێمانی دەڵێت: ئاگرەكە كۆنتڕۆڵ كراوە.
ئارام عەلی، وتەبێژی بەڕێوەبەرایەتی بەرگری شارستانی سلێمانی ڕایگەیاند، ئاگری بینا بازرگانییەکەی شەقامی بازنەیی مەلیک مەحمود کۆنتڕۆڵ کرا.
ڕاشیگەیاند، گومان دەکەین ئاگرەکە بەهۆی گڕگرتنی تانکییەک و ئایزۆگامی بینا بازرگانییەکە دروست بووبێت و لێکۆڵینەوە لەسەر هۆکاری ئاگرکەوتنەوەکە دەکەین.
وتەبێژی بەرگری شارستانی سلێمانی وتیشی، “ئاگرەکە بەتەواوی کۆنتڕۆڵکراوە و هیچ زیانێکی گیانی نەبووە، بەڵام بەشێک لە بیناکە زیانی بەرکەوتووە”.
