شاندێکی دیوانی چاودێری دارایی فیدراڵی بۆ مەبەستی وردبینیکردن لە خەرجی و داهاتی شەش مانگی دووەمی ساڵی 2023ـی مووچەخۆران گەیشتە هەرێمی کوردستان.
بەپێی زانیارییەکان بڕیارە شاندەکەی عێراق لەگەڵ دیوانی چاودێری دارایی هەرێم وردبینی داهاتی شەش مانگی دووەمی ساڵی ڕابردوو بکەن ،
هاوکات وتەبێژی وەزارەتی دارایی و ئابووری بە میدیای پارتی ڕاگەیاندووە، شاندەکە سبەی یەکشەممە لەگەڵ دیوانی چاودێری دارایی هەرێمی کوردستان دەست بە وردبینی لە خەرجی و داهاتی شەش مانگی دووەمی ساڵی رابردوو دەکەن، کە ئەوەش لە چوارچێوەی رێکارێکی هونەری یاسای بودجەی عێراقە کە سێ مانگ یان شەش مانگ جارێک وردبینی لە داهات و خەرجیەکان دەکەن.
هونەر جەمال، باسی لەوەشکرد، بریارە شاندەکە سەردانی هەردوو وەزارەتی دارایی و سامانە سروشتیەکانی هەرێمی کوردستان بکەن.
