سەرۆکى بۆردى دیاریکردنى وتارى هەینى لە وەزارەتى ئەوقاف و کاروبارى ئاینیى حکومەتى هەرێمى کوردستان رایگەیاند ، وتارى رۆژانى هەینى دیاریدەکەین و پێویستە مامۆستایان پێوەى پابەندبن.
د.بەشیر حەداد، سەرۆکى بۆردى دیاریکردنى وتارى هەینى لە وەزارەتى ئەوقاف رایگەیاند: دوو بابەت بۆ وتارى هەینى مامۆستایانى ئاینى دیاریدەکرێت و پێویستە مامۆستايانى ئاينى پێوەى پابەندبن.
ئاماژەی بەوەشکردووە کە بۆردێک لەوەزارەتى ئەوقافەوە سەرپەرشتى وتارى هەینى دەکات و بەراوێژ لەگەڵ مامۆستایانى ئاینى دوو بابەت دیاریدەکرێت ئەمەش بەمەبەستى رێکخستى وتارى هەینییە و هەر مامۆستایەک پێوەى پابەند نەبێت وەزارەتى ئەوقاف لێکۆڵینەوەى لەگەڵ دەکات.
راشیگەیاند، هەر بابەتێک لەهەر پارێزگا و ناوچەیەک هەبوو هەنوکەیی بوو مامۆستاى ئاینى دەتوانێت لەپەراوێزى وتارە سەرەکیەکەى ئاماژەى پێبکات.
