کەشناسی هەرێمی کوردستان پێشبینی دەکات سبەینێ هەینی لە ناوچە شاخاوییەکان کەمێک بەفر ببارێت و ئەمڕۆش ئەگەری نمە باران هەیە.
بەشی پێشبینی لە وەزارەتی گواستنەوە و گەیاندنی هەرێمی کوردستان رایگەیاند، ئەمڕۆ پێنجشەممە، ئاسمان لە نێوان ساماڵ و نیمچە هەور دەبێت و ئەگەری کەمێک نمە باران هەیە لە ناوچە شاخاوییە سنووریەکانی باکوور.
سەبارەت بە سبەینێ هەینیش ڕایگەیاند، ئاسمان لە نیمچە هەورەوە بۆ هەوری تەواو دەگۆڕێت و ئەگەری نمە بارانی کەم هەیە لە ناوچە جیاجیاکانی هەرێم.
ئەوەشی خستەڕوو کە پێشبینی بارینی کەمێک بەفر دەکرێت لە ناوچە شاخاوییە سنووریەکانی هەرێم.
بەرزترین پلەکانی گەرمای پێشبینیکراو بە پلەی سیلیزی:
هەولێر : 18
سلێمانی : 16
دهۆک : 18
کەرکووک : 20
هەڵەبجە : 18
زاخۆ : 17
سۆران : 13
حاجی ئۆمەران : 4
گەرمیان : 19
