سەرچاوەیەکی فەلەستینی لە ڕامەڵڵا ئەمڕۆ سێشەممە بە سکای نیوزی عەرەبی ڕاگەیاند، قەتەر ڕەزامەندی بزووتنەوەی حەماس،ی بۆ پێکهێنانی حکومەتێکی تەکنۆکراتی بە مەحمود عەباس سەرۆک کۆماری وڵاتەکەی گەیاندووە، کە ئەرکی ئەو حکومەتە ئاوەدانکردنەوەی غەززە و گەڕاندنەوەی ئاسایشە بۆ ناوچەکە.
بە وتەی ئەو سەرچاوەیە، حەماس رەزامەندیی نیشانداوە لە دوای تەواوبوونی جەنگ حکومەتێکی بێلایەن و تەکنۆکرات غەزە بەڕێوەبەرێت، و ئەرکی ئاوەدانکردنەوە و سەقامگیری و ئاسایسی ئەو ناوچەیە دابینبکات.
هاوکات قەتەر ئاماژەی بەوەداوە، حەماس رەزامەندیی نیشانداوە بچێتە نێو رێکخراوی “تەحریری فەڵەستینی” بەرەی ڕزگاریخوازی فەڵەستینی، بەومەرجەی ئاراستەیەکی سیاسیی روونی هەبێت و ئامانجی سەرەکی دەوڵەتی فەڵەستینی بێت لەسەر سنووری 1967.
