بانکی ناوەندی عێراق کەمترین بڕی دۆلاری نەختی خستە بازاڕەوە، بەڵام لەگەڵ ئەوەشدا هێشتا نرخەکەی تا ڕادەیەک بە جێگیری ماوەتەوە.
ئەمڕۆ دووشەممە، بانکی ناوەندی عێراق ڕایگەیاند، بڕی 213 ملیۆن و 604 هەزار و 104 دۆلاری فرۆشتووە کە تەنها چوار ملیۆن و 410 هەزاری بە نەخت بووە، ئەمەش بە کەمترین بڕی فرۆشتنی دۆلاری نەخت دادەنرێت تا ئێستا.
بانکەکە ئەوەشی خستەڕوو کە 209 ملیۆن و 194 هەزار و 104 دۆلاریشی بە حەواڵە فرۆشتووە.
سەرباری کەمکردنەوەی دۆلاری نەخت، بەڵام هێشتا نرخەکەی لە بازاڕەکاندا تا ڕادەیەک بە جێگیری ماوەتەوە و ئەمڕۆ نرخی 100 دۆلار بە 152 هەزار و 100 دینارەوە مامەڵەی پێوە دەکرێت.
