سەرۆکوەزیرانی عێراق رایگەیاند، کارکردەکەن بۆ باشترکردنی کوالێتی خزمەتگوزارییەکانی پەیوەندییەکان وەک یەکێک لە ئامانجەکانی بەرنامەی حکومەتەکەیان و هەوڵیشدەدەن ئاستی خزمەتگوزارییە گشتییەکان لە عێراقدا باشتر بکەن.
نووسینگەی راگەیاندنی سەرۆکوەزیرانی عێراق بڵاویکردووەتەوە، ئەمڕۆ یەکشەممە،محەمەد شیاع سودانی سەرۆکوەزیرانی عێراق لەگەڵ سەرۆک و ئەندامانی ئەنجومەنی کۆمیساران لە دەستەی ڕاگەیاندن و پەیوەندییەکان، کۆبووەوە و لە میانەی دیدارەکەدا تاوتوێی ڕێکارە پێویستەکان کرا بۆ دەستپێکردنی مۆڵەتی چوارەم بۆ تۆڕەکانی مۆبایل و خزمەتگوزارییەکانی.
لە دیدارەکەدا بارودۆخی کاری ڕاگەیاندن لەسەر ئاستی نیشتمانی و پێویستی ڕێکخستنی خرایەڕوو، لە هەمان کاتدا جەخت لەسەر گرنگی پشتیوانیکردنی ئازادیی ڕاگەیاندن و ڕادەربڕین کرایەوە، هەروەک چۆن لە دەستووردا هاتووە وەک ماف و دەستکەوتی سروشتی کە بە ویستی نیشتمانی دامەزراوە، جگە لە گفتوگۆکردن لەسەر گرنگترین ئامرازەکانی سەروەری دیجیتاڵ و ئاسایشی ئەلیکترۆنی.
هەروەها جەختیکردەوە، لەسەر گرنگی کارکردن بۆ باشترکردنی کوالیتی خزمەتگوزارییەکانی پەیوەندییەکان، وەک یەکێک لە ئامانجەکانی بەرنامەی حکومەت کە هەوڵدەدات ئاستی خزمەتگوزارییە گشتیەکان باشتر بکات بۆ هاووڵاتییان و ئاماژەی بەوەش کرد کە دەستەی ڕاگەیاندن و پەیوەندییەکان وەک یەکێک لە دیارترین دامەزراوەکانە کە توانای زیادکردنی سەرچاوە نا نەوتییەکانی هەیە بۆ گەنجینەی دەوڵەتی.
سەرۆکوەزیرانی عێراق راشیگەیاند، کار دەکەن بۆ ئەوەی ئاستی خزمەتگوزاری پەیوەندییەکان لە عێراقدا بەرزبکەنە و باشتری بکەن، چونکە خزمەتگوزاری پەیوەندییەکان داهاتێکی زۆر بۆ گەنجینەی وڵات دەستەبەر دەکات بۆئەوەش هەوڵی تەواوەتی دەدەن بۆ ئەوەی ئاستی هەموو خزمەتگوزارییە گشتییەکان لە عێراق باشتر بکەن.
