دادگای پێداچوونەوە(تمیز)، بە نووسراو بڕیاری لەسەر هێشتنەوەی ماوەی سزای شێروان شێروانی وەک خۆی دەرکرد.
دادگا لە نووسراوەکەیدا ئاماژە بەوەدەکات، بڕیاری سزادانی شێروان شێروانی لە ڕووی یاساییەوە هیچ پێشێلکارییەکی تێدا نییە و وەک خۆی جێبەجێ دەکرێت،
رۆژی 16-02-2021 دادگەی تاوانی هەولێر بە تۆمەتی “تێکدانی ئاسایشی نیشتمانی” هەریەک لە شێروان شێروانی، ئەیاز کەرەم، گوهدار محەممەدئەمین، هاریوان عیسا و شڤان سەعیدی بە یەکی شەش ساڵ زیندانیکردن سزادا.
مانگی شوباتی 2022 بە فەرمانی نێچیرڤان بارزانی، سەرۆکی هەرێمی کوردستان 60%ـی سزاکەیان، جگە لە شێروان شێروانی کە 50% بوو، کەمکرایەوە، دواتر سەرجەمیان ئازاد کران و پاش چەندڕۆژیک لە ئازادکردنی، شێروان شێروان شێروانی دەستگیرکرایەوە و دادگا بە دوو ساڵ زیندانیکردن سزاکەی نوێکردەوە.
