شاندێكی سەرۆكایەتیی هەرێمی كوردستان بۆ تاوتوێ كردنی دۆخی ناوچەكە و پەیوەندییەكانی ئەمریكا لەگەڵ هەرێم و عێراق گەیشتە ئەمریكا.
سەرۆكایەتیی هەرێمی كوردستان لە ڕاگەیەنراوێكدا ئاماژەی بەوەكردووە، شاندێك بە سەرۆكایەتی فەوزی هەریری، سەرۆكی دیوانی سەرۆكایەتیی هەرێم گەیشتە واشنتۆن و چەند دیدار و كۆبوونەوەیان لەگەڵ بەرپرسانی واشنتۆن دەبێت.
ڕاشیگەیاندووە، شاندەكە دەربارەی پەیوەندییەكانی ئەمریكا لەگەڵ عێراق و هەرێمی كوردستان و دۆخی ناوچەكە بەگشتی و چەند پرسێكی جێی بایەخی هاوبەش، گفتوگۆیان دەبێت و بیروڕا دەگۆڕنەوه.
