ئۆفیسی سلێمانی کۆمسیۆنی باڵای سەربەخۆی ھەڵبژاردنەکانی عێراق ڕایدەگەیەنێت، پڕۆسەی تۆماری بایۆمەتری بەڕووی دەنگدەرەکانی واڵادەکات.
ئۆفیسی سلێمانی کۆمسیۆنی باڵای سەربەخۆی ھەڵبژاردنەکانی عێراق لە ڕاگەیەنراوێكدا ئاماژەی بەوەكردووە، لە دایکبووی (۲۰۰٦) و هەموو ئەو دەنگدەرانەی کەپێشتر خۆیان تۆمارنەکردوە بەشێوەی بایۆمتری پڕۆسەی تۆماری بایۆمەتری بەڕوویاندا دەكرێتەوە.
ڕوونیشی كردۆتەوە، پڕۆسەکە سەرلەبەیانی ڕۆژی پێنج شەممە (٢⁄١) دەستپێدەكات و تاوەکو (٢⁄٢٠) بۆ ماوەی (20) ڕۆژ بەردەوام دەبێت.
ئاماژەی بەوەشكردووە، ئارەزوومەندانی پڕۆسەکە دەتوانن سەردانی یەکێک لە ناوەندەکانی تۆمارکردن بکەن بە مەبەستی تۆمارکردنیان و دروستکردنی کارتی دەنگدانی بایۆمەتری بۆیان.
سەبارەت بە پێداویستیەکانی پڕۆسەکە دەڵێت: “بۆ تۆماركردنی بایۆمەتری پێویستە هاووڵاتی کارتی نیشتیمانی یان ناسنامەی باری (شارستانی و ڕەگەزنامە) و کۆبونی خۆراک و بەڵگەنامەی نیشتەجێبوونی پێبێت”.
ئەمە لەكاتێكدایە، كە بڕیارە لە مانگی ئایار (5)ی ئەمساڵدا هەڵبژاردنی پەرلەمانی كوردستان ئەنجام بدرێت و بۆ ئەوەش بڕیارە سەرۆكایەتی هەرێم لە مەرسومێكدا ڕۆژی هەڵبژاردن دیاری بكات.
