بە تۆمەتی ئاشکراکردنی نهێنییەکانی دەوڵەت، دادگای پاکستان سەرۆك وەزیرانی پێشوو و وەزیری پێشووی دەرەوەی بە ١٠ ساڵ زیندانی سزا دا.
بەپێی ئەو هەواڵانەی لە ڕاگەیاندنی نیشتمانیی وڵاتەکەدا بڵاوکراونەتەوە، دادوەر عەبدول هاسنات زولقەرنەین، بڕیاری دادگای بە عیمران خان سەرۆك وەزیرانی پێشوو و شا مەحمود قوڕەیشی وەزیری پێشووی دەرەوە ڕاگەیاند.
سەید زولفەقار بوخاری، وتەبێژی پارتی بزوتنەوەی دادی پاکستان، ئاماژەی بەوە کرد کە لە دادگای باڵا تانە لەو بڕیاری سزایە دەدەن کە بەسەر خان و قوڕەیشیدا سەپێندراوە.
عیمران خان، سەرۆک وەزیرانی پێشووی پاکستان، دوای ئەوەی لەسەر دۆسیەی گەندەڵی لەلایەن دادگاوە بڕیاری دەستبەسەرکردنی بۆ دەرکرا، لە پێنجی ئابی ٢٠٢٣دا لەلایەن پۆلیسەوە دەستبەسەرکرا و خرایە زیندانەوە.
