ئەمڕۆ یەک شەممە دوو چالاکوانی ژینگەپارێز، شۆربایان بەسەر تابلۆی مۆنالیزا لە مۆزەخانەی لۆڤەر لە پاریس كرد.
بەپێی تۆمارێكی ڤیدیۆیی، كە لە تۆڕە كۆمەڵایەتییەكان بڵاوكراوەتەوە، دوو ژن سنووری نێوان تابلۆکە و بینەران دەبەزێنن و یەکێکیان قاپێك شۆربای فڕێدایە سەر ئەو تابلۆ بەناوبانگەی جیهان.
یەکێک لەو دوو ژنە چاکەتەکەی داکەندووە و تیشێرتێکی لەسەر نووسراوە Riposte Alimentaire لە پێشەوە، کە بە واتای “وەڵامدانەوەی خۆراک” دێت، ئەمەش وەک ئاماژەیەک بۆ گروپێکی چالاکوانی کەشوهەوا.
لای خۆشیانەوە، ستافی مۆزەخانەکە بەپەلە بەرەو تابلۆكە چوون و بە دانانی شاشەیەكی ڕەش هەوڵیاندا شێواندنی تابلۆكەی مۆنالیزا بشارنەوە تاوەكو هاووڵاتیان نەیبینن.
