کۆمپانیای مایکرۆسۆفتی ئەمریکی هەزار و ٩٠٠ کارمەند دووردەخاتەوە.
میدیا ئەمریکییەکان بڵاویانکردەوە، کۆمپانیای مایکرۆسۆفتی ئەمریکی دوای کڕینی کۆمپانیای گەیمینگ بڕیاریدا هەزار و ٩٠٠ کارمەند لە کارەکانیان دووربخاتەوە کە زۆربەیان لە یەکەی یارییەکانی “ئەکتیڤیژن بلیزارد” کاریان کردووە، لەکاتێکدا داهاتی کۆمپانیاکە لەزیادبووندایە.
ڕۆژی پێنجشەممەی ڕابردوو بەهای بازاڕی پشکەکانی مایکرۆسۆفت سێ تریلیۆن دۆلاری تێپەڕاند و پێش کۆمپانیای ئەپڵ کەوت.
قازانجی مایکرۆسۆفت بەگوێرەی ماڵپەڕی “CompaniesMarketcap” گەیشتووەتە ٣.٠٠٩ تریلیۆن دۆلار، لە کاتێکدا قازانجی ئەپڵ ٣.٠٠٢ تریلیۆن دۆلارە، ڕۆژی هەینی پشکەکانی کۆمپانیای مایکرۆسۆفت بە ڕێژەی ٪٠.٥٥ بەرزبوونەوە و گەیشتنە ٤٠٤.٨٧ دۆلار.
