بە هۆی بەرزبوونەوەی بەهای دۆلار، نرخی زێڕ لە بازاڕەکانی جیهاندا دابەزی، بەڵام بە هۆی گرژییەکانی دەریای سوورەوە نرخی نەوت لە ئاستێکی بەرزدا ماوەتەوە.
دوای ئاشکرابوونی داتاکانی پەیوەست بە هەڵکشانی کڕینی پیشەسازی و خزمەتگوزاری لە ناوخۆی ئەمریکادا، بە های دۆلار بەرزبوونەوەی بەخۆوە بینی.
بەهێزبوونی دۆلار بووە هۆی داکشانی نرخی زێڕ لە جیهاندا، بە جۆرێک نرخی یەك ئۆنسە لە دوو هەزار و 36 دۆلارەوە بۆ دوو هەزار و 15 دۆلار دابەزی.
لە لایەکی دیکەشەوە نرخی نەوت بەرزبوونەوەی بەخۆوە بینی و ئەمڕۆ پێنجشەممە، نرخی بەرمیلێک نەوتی خاوی برێنت گەیشتە 80 دۆلار و 40 سەنت و بەرمیلێك نەوت خاوی ئەمریکیش بە 75 دۆلار و 50 سەنتەوە مامەڵەی پێوە دەکرێت.
