وێنە؛ 27 کەس بە هۆی وەرگەڕانی پاسێك برینداربوون

لە ئاکامی وەرگەڕانی پاسێک لە پارێزگای وانی باکووری کوردستان، 27  کەس برینداربوون کە چواریان منداڵن.

ڕووداوەکە لە ناوچەی یوڤای سەر بە قەزای گەڤەش لە سەر ڕێگای وان-بەدلیس ڕوویدا.

دوای دەرهێنانیان لە مینی پاسەکە، 27 بریندارەکە کە چواریان منداڵ بوون بە ئۆتۆمبێلی فریاکەوتن گواسترانەوە بۆ نەخۆشخانەکانی ناوچەکە و ڕەوشی تەندروستیی بریندارەکان باش و جێگیرە.