بەڕێوەبەرایەتی هاتوچۆی سلێمانی شۆفێران ئاگادار دەکاتەوە کە لە ناوەڕاستی هەفتەی داهاتووەوە کامێرا جێگیرەکان دەکەونەوە کار و سەرپێچی تۆمار دەکەن.
ئەمڕۆ هەینی، بەڕێوەبەرایەتی هاتووچۆی سلێمانی ڕایگەیاند، سەرجەم شۆفێران ئاگادار دەکەین کە لە کاتژمێر 10ی بەیانی ڕۆژی سێشەممە ڕێکەوتی 23/01/2024ەوە، کامێرا جێگیرەکانی ناو سنووری پارێزگای سلێمانی دەکەونە کار و سەرپێچی خێرایی تۆمار دەکەن.
داواشی لە سەرجەم شۆفێران کرد، پابەندی ئەو خێراییانە بن کە بە پێی هێما و تابلۆکانی هاتوچۆ لەسەر شەقامەکان بۆیان دیاریکراوە.
هاتوچۆی سلێمانی ئەوەشی خستەڕوو کە ئەم کامێرایانە سیستەمی خاڵ بۆ خاڵ نییە و بە سیستەمی یەک خاڵ خێراییەکان تۆمار دەکات.
