دوای دابەزینێکی کاتیی، جارێکی دیکە نرخی زێڕ لە بازاڕەکانی جیهاندا بەرزبووەوە.
ئەمڕۆ هەینی، نرخی ئۆنسەیەکی زێڕ بۆ دوو هەزار و 22 دۆلار بەرزبووەوە، ئەمەش دوای ئەو داکشانەی لە دوو ڕۆژی ڕابردوودا بەخۆیەوە بینی و نرخی هەر ئۆنسەیەك تا دوو هەزار و یەك دۆلار دابەزی.
بەهۆی ئەو زانیارییانەی دەربارەی پلانی بانکی فیدراڵی ئەمریکا بۆ ڕاگرتنی ڕێژەی سوود بڵاودەکرێنەوە، نرخی زێڕ تا ڕادەیەك ناجێگیرە و بانکەکان و بازرگانان بە هەستیارییەوە مامەڵە لەگەڵ کانزا زەردەکەدا دەکەن.
