سەرۆکایەتی شارەوانیی سلێمانی تیمی بۆ لابردنی سەرپێچی و زیادەڕۆییەکان لەسەر شۆستە و شەقامەکان پێکهێنا.
ئەمڕۆ پێنجشەممە، سەرۆکایەتی شارەوانیی سلێمانی ڕایگەیاند، تیمی جوڵاومان لە بەشی لادانی سەرپێچی و زیادەڕۆیی پێکهێنا.
ئاماژەی بەوەشکرد، لە سەرەتای ئەمساڵدا و لە میکانیزمێکی نوێدا، بە مەبەستی ڕێکخستنەوەیەکی باشتر و بەخشینی سیمایەکی جوان بە شارەکەمان و شۆستە و شەقامەکان، لەسەر ڕاسپاردەی سەرۆکی شارەوانیی سلێمانی هەستاین بە دروستکردنی تیمی جوڵاو لە بەشی لادانی سەرپێچی و زیادەڕۆیی.
هاوکات لە ماوەی دوو هەفتەی ڕابردوودا تیمەکە کۆمەڵێک چالاکی ئەنجامداوە لە پێناو پاراستنی موڵک و ماڵی گشتی.
