لە پارێزگای جۆلەمێرگ و شارۆچكەی بێشەباب سەر بە پارێزگای شرناخی باکووری کوردستان بەهۆی سەرما و بەفربارینەوە، پشوو ڕاگەیەنرا.
بەڕێوەبەرایەتی پەروەردەی جۆلەمێرگ ڕاگەیەندراوێکی بڵاوکراوەتەوە،بەهۆی خراپی کەشوهەوا و بارینی بەفرێكی زۆر ئەمڕۆ هەینی قوتابخانەکان داخراون.
شارەوانی شرناخ لە هەژماری فەرمی خۆی لە تۆڕی کۆمەڵایەتی ڕایگەیاندووە، بەهۆی بەفربارین و بەستنی ڕێگاکان، نالەباری کەشوهەوا لە ڕۆژی هەینی پشوو ڕادەگەیەنین، هەروەها کارمەندانی کەمئەندام و دووگیان و ئەوانەش کە تەمەنیان لە سەرووی ٦٠ ساڵە ناچنە سەر کار و بە مۆڵەتی کارگێڕی بۆیان هەژمار دەکرێت.
هاوکات هۆشداری بە هاووڵاتییان دراوە بەتایبەتی شوفێرانی بارهەڵگر، نەچنە دەرەوە و رێگە سەرەکییەکان بەکارنەهێنن. جگە لەو شارانە، لە هەریەکە لە ئەردەخان، قەرس و دێرسیمی باکووری کوردستانیش بەفرێکی زۆر باریوە.
لە باکووری کودستان و تورکیا ڕۆژانی شەممە و یەکشەممە پشووە و ڕۆژانی هەینی دەوامی فەرمییە.
