بانکی ناوەندی عێراق زیاتر لە 217 ملیۆن دۆلاری خستە بازاڕەوە و نرخەکەشی لە بازاڕدا بەرز بووەوە.
ئەمڕۆ دووشەممە، بانکی ناوەنی عێراق ڕایگەیاند، بڕی 217 ملیۆن و 473 هەزار و 693 دۆلاری خستە بازاڕەوە.
ڕوونیشیکردەوە کە 194 ملیۆن و 773 هەزار و 693 دۆلاری حەواڵە و تەنها 22 ملیۆن و 700 هەزاری بە نەخت بووە.
لە لایەکی دیکەشەوە، هەڵبەز و دابەزی نرخی دۆلار لە بازاڕەکاندا بەردەوامە و پاش نیوەڕۆی ئەمڕۆ نرخی 100 دۆلار بۆ 153 هەزار و 200 دینار بەرزبووەوە.
