دەمەبۆڵەیەك سەری کێشا بۆ بەکارهێنانی چەك و کوژران و برینداربوونی سێ کەسی لێکەوتەوە.
ئەمڕۆ یەکشەممە، ماڵپەڕە عیراقییەکان بڵاویانکردەوە، لە ناوچەی ئورفەلی سەر بە شاری سەدر لە بەغدا، دەمەبۆڵە لە نێوان چەند کەسێکدا ڕوویدا و پاشان پەرەیسەند بۆ بەکارهێنانی چەك.
ئەوەشخراوەتەڕوو کە کەسێك لە شەڕەکەدا بە گوللە کوژرا و دووانی دیکەش بریندار بوون.
لەلایەکی دیکەشەوە تەرمێکی لە ناوچەی سنەکی بەغدا دۆزرایەوە و تا ئێستا ناسنامەکەی نەزانراوە.
