کۆمپانیای ” Glock GmbH” لە ماڵپەڕەکەی خۆیدا بڵاویکردەوە کە دروستکەری دەمانچەی نەمسایی گاستۆن گلۆک لە تەمەنی ٩٤ ساڵیدا کۆچی دوایی کرد، هاوکات وێنەیەکی گلۆک و بەرواری لەدایک بوون و مردنەکەی بڵاوکردەوە.(19-7-1929 – 27-12-2023) ،
دروستکەری دەمانچەی “گلۆک” لە شاری ڤیەننا ئەندازیاری میکانیکی خوێندووە، پێش ئەوەی نموونەیەکی سەرەتایی دەمانچەکە دروست بکات.
دەمانچەی گلۆک هەرزانترین و سووکترین کێشی هەیە، هەڵوەشاندنەوەی ئاسانە و فیشەکی زیاتر لە دەمانچەی تر دەتەقێنێت.
فرێتەر ئۆفیر کە لە ساڵی 2018دا دەرهێنەری فیلمێکی دیکۆمێنتاریی بوو بە ناوی “ویبون ئۆف چویس” سەبارەت بەو ملیاردێرە وتی: دەتوانین گاستۆن گلۆک بە ستیڤ جۆبس وێنا بکەین کاتێک یەکەم بەرهەمی ئەپڵی لە گەراجەکەیەوە بڵاوکردەوە.
لە ئەمەریکا ئێستا نزیکەی لەسەدا 80ی ئەفسەرانی پۆلیس ئەو جۆرە دەمانچەیە بەکار دەهێنن.
