وەزارەتی کۆچ و کۆچبەرانی عێراق رایگەیاند، بڕی ١٥ هەزار لیتر نەوتی سپییان بەسەر ١٥٠ خێزانی ئاوارەی گەڕاوە بۆ زێدی خۆیان دابەش کردووە.
ئەمڕۆ پێنچشەممە، وەزارەتی کۆچ و کۆچبەرانی عێراق رایگەیاند، لەلایەن ستافی وەزارەتەوە نەوتی سپی بەسەر ١٥٠ خێزانی ئاوارە کە گەڕاونەتەوە بۆ شنگال دابەش کراوە، کە کۆی گشتی بریتییە لە ١٥ هەزار لیتر نەوتی سپی و بەسەر ئەو خێزانانەدا دابەشکراوە کە گەڕاونەتەوە ناوچەکانیان لە شنگال.
ئەوەشی خستە روو، وەزارەتی کۆچ و کۆچبەرانی عێراق بەردەوام دەبێت لە هاوکاریکردنی ئەو ئاوارانەی گەڕاونەتەوە ناوچە رەسەنەکانی خۆیان.
هەفتەی رابردوو، وەزارەتی کۆچ و کۆچبەرانی عێراق رایگەیاند، هاوکاری دارایی بە بڕی یەک ملیۆن و ٥٠٠ هەزار دینار بەسەر هەشت هەزار و ٥٣٦ خێزانی ئاوارە دابەشدەکرێت کە گەڕاونەتەوە ناوچەکانی خۆیان.
لە چەند مانگی رابردوو، وەزارەتی کۆچ و کۆچبەرانی عێراق رایگەیاند، بڕی یەک ملیۆن و ٥٠٠ هەزار دینار بۆ هەر خێزانێکی ئاوارە خەرج دەکەن کە گەڕاونەتەوە بۆ ناوچەکانی خۆیان.
