بەڕێوەبەرایەتی پۆلیسی گەرمیان بلاویکردەوە، کەسێکیان بە تۆمەتی دزینی پاتری ئۆتۆمبێلی بارهەڵگر دەستگیر کردووە.
بەڕێوەبەرایەتییەکە ئاماژە بەوەدەکات، دوای ئەوەی چەن هاووڵاتیەک سکاڵایان هێنایە بنکەی پۆلیسی شەهیدانی قەزای کەلار و ئاگاداریان کردینەوە کە شەوان پاتری ئۆتۆمبێلەکانیان لەجۆری بارهەڵگر لەلایەن کەسانی نەناسراوەوە دەدزرێت،
دوای لێکۆڵینەوەو بەدواداچوون بنکەی پۆلیسی شەهیدان توانیان تۆمەتبار دەستگیربکەن دوای لێکۆڵینەوە لەگەڵیدا، دانی بەوەدانا کەماتوورسکیل و پاتری چەندین ئۆتۆمبێلی بارهەڵگری دزیوە، لەئێستادا بەبڕیاری دادوەرو بەپێی مادەی 443 بەندکراوەو لێکۆڵینەوە لەگەڵی بەردەوامە.
