پلەی گەرما دادەبەزێت و بە پێی پێشبینییەکانی کەشناسیش جگە لە باران، بەفریش لە چەند ناوچەیەکی هەرێمی کوردستان دەبارێت.
بەشی پێشبینی لە وەزارەتی گواستنەوە و گەیاندنی هەرێمی کوردستان ڕایگەیاند، ئەمڕۆ هەینی لە زۆربەی کاتەکاندا باران دەبارێت و لە ناوچە شاخاوییە سنوورییەکانیش پێشبینی بەفربارین دەکرێت.
ڕوونیشیکردەوە کە گەرما بە نزیکەی 3-5 پلە نزمتر دەبێتەوە.
سەبارەت بە سبەینێش ڕایگەیاند، ئاسمان زۆربەی کاتەکان هەوری باراناوی دەبێت و هەندێک کات لە سنووری پارێزگای دهۆک و ناوچە شاخاویەکانی پارێزگای هەولێر دەگۆڕێت بۆ لێزمە باران.
بەشی پێشبینی وەزارەتی گواستنەوە ئەوەشی خستەڕوو کە سبەینێ لە ناوچە شاخاوییە بەرزەکان بەفر دەبارێت و پلەی گەرماش کەمێك نزمتر دەبێتەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 12 پلەى سیلیزى
سلێمانی : 10 پلەى سیلیزى
دهۆک : 10 پلەى سیلیزى
کەرکووک : 14 پلەى سیلیزى
هەڵەبجە : 11 پلەى سیلیزى
زاخۆ : 9 پلەى سیلیزى
گەرمیان : 17 پلەى سیلیزى
حاج ئۆمەران: 1 پلەى سیلیزى
سۆران : 8 پلەى سیلیزى
بەشى پێشبینى 2023-12-22
